A viñeta de Schrödinger nº1

A REVISTA CUÁNTICA DE BD GALEGA!

O experimento do gato de Schrodinger é un experimento imaxinario concibido en 1935 polo físico austríaco Erwin Schrödinger.

Nel expón un sistema que se atopa formado por unha caixa pechada e opaca que contén un gato no seu interior, unha botella de gas velenosa e un dispositivo, o cal contén unha soa partícula radioactiva cunha probabilidade do 50% de desintegrarse nun tempo dado, de maneira que se a partícula se desintegrara, o veleno libérase e o gato morre. Segundo a interpretación de Copenhague, despois dun tempo, o gato está ao mesmo tempo vivo é morto.

A BD galega, a lingua e a cultura galega é como o gato de Schrodinger, está aí, estamos seguro de que está, que ten que estar, máis algúns cren que está morta, mentres nós cremos que está máis viva que nunca. Pasa o mesmo coas revistas, que semellan esquecidas dun momento onde proliferan as novelas gráficas.

A viñeta de Schrödinger nace para dar voz a visibilidade ás bandas deseñadas breves de autores/as galegos/as. Mais tamén para que os/as lectores/as adolescentes e adultos poidan ler e descubrir a BD de calidade que se fai en Galiza.

Por todo iso, A Mesa pola Normalización Lingüística e AS-PG decidiron lanzar esta revista capitaneada por Kiko da Silva, de periodicidade trimestral.

Como o futuro da nosa lingua, a bd galega prcísate, ti decides se queres que Schrödinger viva ou morra. SUSCRÍBETE!